Faðir drengjanna í fangelsi

Það var nú lán í óláni að það tókst að bjarga drengnum ekki meira slösuðum. Hitt er alverlegra með líkin af drengjunum tveim. 

Vonandi fæst úr því skorið hvort faðirinn hafði eitthvað með dauða drengjanna að gera. Það hlýtur að vera hrylingur að þurfa að sæta því að sitja í fanelsi fyrir glæp sem maður framdi ekki, hvað þá svona alvarlegan og það á eigin sonum.

Ég veit satt best að segja ekki hvort maður á að vona frekar að ríkið hafi ekki framið þann glæp að halda honum saklausum í fangelsi, eða að sá hryllingur hafi ekki átt sér stað að faðirinn hafi haft eitthvða með dauða drengjanna að gera.

Af fréttinni að dæma gæti hér hæglega hafa verið um slys að ræða og drengirnir dottið ofan í brunninn í leik og að tvennu illu vonar maður að það hafi verið raunin.

Björguðu dreng og fundu lík

Hvernig getur svona nokkuð gerst?

Ég hélt nú að þeir sem veldust til foristustarfa þyrftu að vera svolítið klárir í kollinum til að vera kjörnir. Ekki hefur hvarflað að honum að þetta fréttist ekki heim í skólann. Vonandi ekki talið sig vera að bjarga samnemendum sínum frá harðari efnum með því að veita áfengi. Eða er hann kanski að taka á sig, sem formaður, ábyrgð á annara klúðri. Það væri fróðlegt að heyra hans hlið á málinu.

Er það kanski tilfellið að þetta sé normið og það hafi bara verið "bölvuð óheppni" að það fréttist? Það er náttúrulea vitað að áfengisneysla er alltaf að færast neðar og neðar í aldursstigann. Það væri frólegt að heyra frá mentskælingum nútímans um þetta.

Sagði af sér formennsku að beiðni skólameistara

Sjálftaka á fé hluthafa.

Þorsteinn Már fer vel af stað í sínu nýja embætti hjá Glittni. Hann var ekki sestur í stjórnarformannsstólinn þegar hann var þegar búinn að spara bankanum tugi milljóna. Nú bætir hann um betur og kemur í veg fyrir hundruð milljóna útgjöld miðað við óbreytt ástand. Næst tekur hann væntanlega á þessum fáránlegu kaupréttaarsamningum sem sem tröllriðið hafa ofurlaunuðum yfirmönnum í bankakerfinu.

Það er beinlíis móðgun við heilbrigða skynsemi almennra hluthafa að halda því fram að öll hækkun á gengi hlutabréfa sé góðum stjórnendum að þakka en lækkunin sé markaðnum að kenna. Núna er verið að samþykkja starfskjarastefnu í mörgum hlutafélögum sem tryggja stjórnendum kauprétt á hlutafé miðað við gengi sem er því sem næst í sögulegu lágmarki. eftir tvö til þrjú ár þegar þetta kreppuástand er liðið hjá og bréfin komin aftur í eðlilegt gengi þá kom stjórarnir og innleysa kaupréttarsamninga á genginu sem núna er og selja fyrirtækjunum aftur, eða á markaði á miklu hæra verði og þakka sér góðan árangur við reksturinn. Hækkanir eru sko ekki neinu að þakka nema góðri sjórnun. Það er bara markaðnum að kenna þegar bréfin lækka. Hækkanir hafa jú ekkert með markaðsaðstæður að gera, bara góða stjórnun og fyrir það á að borga og borga vel.

Það verður fróðlegt að sjá hvað kemur út úr fyrirhugaðri málssókn á hendur fyrri stjórn Glittnis. Vonandi verður hún til þess að koma sjórnum þessara fyrirtækja afur niður á jörðina.

Þorsteinn Már hefur sýnt það að hann nær árangri þar sem hann tekur til hendinni. Það er nokkuð ljóst að það verða ekki allir ánægðir, á einhverjum bitnar niðurskurðurinn. Vonandi verða það samt mildari afleiðingar en þegar hann tók til í rekstri Samheja og loka þurfti fjölmennustu vinnustöðunum í litlum þorpum fyrir norðan. Vænti þess að þetta verði meira í líkingu við það þegar hann fór suður og stjörnaði björgunaraðgerðum á strandstað hérna um árið og allir stóðu uppi sem sigurvegarar.

Ekki fleiri starfslokasamninga

Allt fyrir frægðina

Sumir gera allt fyrir frægðina. Það er bara margsannað mál. Finnst ekki mikið mál að fórna nokkrum mannslífum til að komast á spjöld sögunnar. Egill söng á sínu tíma um að hann væri til í að gera allt fyrir frægðina nema koma fram nakin. En það var fyrir tíma tölvuleikjanna þegar menn höfðu ekki hugarflug til að fá sér vélbyssu og salla niður skólafélagana.

Er að hallast að þeirri skoðun að of mikill fréttaflutningur af svona atburðum ýti fleirum fram af brúninni. Síðst núna áðan í Gettu betur spurningakeppninni var verið að spurja um svona klikkhausa sem komu sér á spjöld sögunnar með morðum. Reyndar ekki fjöldamorðum en morðum á frægum einstaklingum.

Held að besta forvörnin í þessum málum sé að gera sem minnst úr umfjöllum  um svona mál og alls ekki vera að nefna nöfn þessara mislukkuðu manna opinberlega. Það getur verið stór þáttur í því sem hvetur menn áfram til slíkra voðaverka.

Árásarmaðurinn nafngreindur

Múgæsingur í Ráðhúsinu

Þetta var leiðnda uppákoma og þeim til minnkunnar sem að henni stóðu. Að trufla löglega boðaðan fund og hindra að almenningur gæti fengið að fylgjast með fundinum.

Það er löngu vitað að lýðræði hefur ekki bara kosti en þarna var verið að reyna að hindra lýðræðið með ofbeldi. Eins og mér finnst sjálfgefið að þessum gjörningi sem fram fór á fundinum þurfti að mótmæla, og það kröftuglega þá er það engin afsökun fyrir svona framkomu og er bara lóð á vogarskál þeirra sem vilja loka áheyrendapöllunum.

Þetta ér ámælisverður yfirgangur og minnir á Heimdellinga þegar skattskráin kemur út.

Mér þótti það verulega miður að Dagur, sem vaxið hefur mikið áf störfum sínum og framkomu undanfarna mánuði, skyldi reyna að slá sig til riddara á kostnað þeirra sem bar skylda til að framfylgja þeim lögum og reglum sem gilda í landinu.

Það minnti svo á Davíð þegar hann sló á puttana á Friðriki þegar hann bakkað upp sinn starfsmann sem var að framfylgja lögum sem alþingi hafði sett.

Eiginlega alveg ótrúlegt hvað sumir mætir menn geta lagst lágt til að kaupa sér lýðhylli.

Ólafur hyggst láta verkin tala

Sigmar góður í Kastljósinu

Borgarstjórarnir voru teknir á beinið hjá Sigmair í kastljósinu í gær. Vilhjámur komst nokkuð vel frá þessu miðað við mástaðinn sem hann hafði að verja. Ég held að aldrei áður hafi eiginhasmunapot verið augljósara í pólitík en núna. Alveg er ég sannfærður um að Ólafur hefði ekki verið með í þessu ef ekki hefði verið borgarstjórastóll í boði fyrir hann.

Ég hef nú aldrei verið neitt sérlega hrifinn af Degi þó ég hafi heldur svo sem ekkert út á hann að setja heldur. Hann stóð sig hinsvegar mög vel í þessum þætti og virðist hafa fulla burði til gegna þessu embætti sem hann lætur senn af.

Sigmar brilleraði hinsvegar alveg í þessum viðtölum eða á kanski að kalla þetta yfirheyrslur. Mjög gagnrýninn og ákveðin við báða á þess að vera ókurteis. Dansaði þarna eftir línu sem ég gæti best trúað að væri erfitt án þess að missa sig yfir hana. Minnti einna helst á Vilmund heitinn þegar hann var upp á sitt besta.

Töldu Margréti með

Kvótakefið - gróf mismunun.

Hvað eru margir og hvað er oft búið að benda stjórnvöldum á þetta? Þetta er mesta misrétti sem viðgengst hér á landi. Kynjamisrétti, launamisrétti og hvað þetta allt nú heitir er hjóm eitt við hliðina á þessu.

Vonandi verður þetta til að eitthvað breytist í þessum málum.

Útfærsla kvótakerfis gagnrýnd

Óveður og skóli

Það finnst mér alveg furðulegt að þau börn sem komin eru í skólann þegar svona sendur á skuli vera send heim aftur. Hvað er því til fyrirstöðu að börnin geti verið í skólanum áfram, nema kanski að kenarana langi í smá aukafrí.

Að senda þau aftur út í veðrið eða etja foreldrunum aftur af stað að sækja þau er út í hött. Þetta er ekki ífyrsta skipti sem þetta gerist og sennilega ekki það síðasta.

Mikið væri gaman að fá einhverja skýingu á þessu frá þeim sem taka svona ákvarðanir því ekki vil ég trúa því að skýingin hér að ofan sé rétt.

Vilja skýr fyrirmæli til foreldra

Neytendur borga

Það er gott að hfa rúmt um sig þegar meður er að versla en það kostar og neytendur borga. Minnir að ég hafi séð einhvers staðar að hér á landi væru 5000 hræður á bakvið hvert apótek en 15000 í Danmörku.

Hvað skildu vera margir fermetrar af verslunarhúsnæði á hvern Íslending og fróðlegt að fá samanburð milli landa í þessu efni. Matvara hér er almennt dýrari en í þeim löndum sem við berum okkur helst saman við. Það væri gaman að vita hvort og þá hvað stóran þátt húsnæðiskostnaður á í þvi.

30.000 nýir fermetrar fyrir jól

Alþingismenn of margir

Er þessi fyrirspurn Kolbrúnar ekki endanleg sönnun þess að alþingismenn séu of margir og hafi of lítið að gera?

Persónulega finnst mér illa farið með fé að vera borga fólki fleiri hundruð þúsund á mánuði til að standa í svona bulli.

Hvernig dettur mönnum svo í hug að ríkið eigi að fara að greiða fyrir aðstoðarmenn fyrir alþingismenn þegar svo virðist sem verkefnaskortur hrjái helst okkar kjörnu fulltrúa.

 

Ekki meira blátt og bleikt