Ekki gott fordæmi

Það er með ólíkindum ef þetta verður endanleg niðurstaða. Maður þekkir náttúrulega ekki alla málavexti en það var augljós ásetnigur að ráðast á mennina. Maður veit náttúrulegaekki hvar í ferlinu lögreglumerkin voru sýnd en það breytir ekki því að þetta var árás.

Ég er nú ekki að mæla því bót að menn hrindi sýlumönnum en hvað fékk hann langan dóm sá sem felldi sýsla á Selfossi. Miðað við frétir var það nú fremur hrekkjabragð en árás.

Hvernig í veröldinni eiga lögreglumenn að geta sinnt störfum sínum í þágu okkar borgaranna ef þetta er virðingin sem dómarar sýna þeim.

Ef dómarinn er þarna að fara að lögum sem maður verur að trúa þá þarf að breyta þeim. Hvað skyldi Vinnueftirlitið segja um starföryggi á vinnustað lögreglu. Hér vantar greinilega einhvern öryggisbúnað.

Einn dæmdur og tveir sýknaðir af ákæru fyrir árás á lögreglu

Er Bubbi að fara að tapa 300 þús. kr.

Hvort er meira meiðandi að vera sagður mesti rasisti bloggheima, verandi málpípa alþjóðafyrirtækis eða vera sagður hafa " unnið sér það til frægðar að syngja falskast allra íslenskra tónlistarmanna á seinni tímum." verandi söngvari í þekktri hljómsveit.

Hér eru bara verkefni út um allt fyrir vinnusama lögfræðinga og dómara.

 

Bubbi og Biggi í hár saman

Bidda á Brávallagötunni

Hvernig stendur á því að ég hef hvergi séð tilkynningu þess efnis að Bidda á Brávallagötunni sé farin að skrifa fréttir á mbl.is.

Persónulega finnst mér samt að það ætti að merkja þær fréttir svo hægt sé að lesa þær með réttu gleraugunum.

Steini lostinn yfir ummælum Blatters

Sofið á verðinum.

Eiríkur Bergmann Einarsson skrifar í 24 stundir í dag um það ástand sem getur skapast þegar innflytjendur frá ólíkum menningar heimum ná ekki að aðlagast menningu og siðum í nýja landinu.

"Ég er ansi hræddur um að við eigum eftir sjá fleiri fréttir af þessum toga á næstu misserum, sér í lagi ef atvinnuleysi eykst. Þannig hefur það orðið í nágrannalöndunum og þróunin er því miður nákvæmlega sú sama hér, aðeins nokkrum árum á eftir."

Ofangreind tilvitnun er í þessa grein Eiríks en ekki í grein eftir frambjóðanda Frjálslynda flokksins í síðustu kosningum. Þetta segir Eiríkur eftir að hafa minnst á fréttir af árekstrum innfæddra og aðfluttra Íslendinga. Síðan segir Eiríkur:

"Það var í þessum drullupolli sem Frjálslyndi flokkurinn fór að hræra í haustið 2006, þegar flokkurinn kaus að efna til ófriðar við innflytjendur í aðdraganda þingkosninga."

Hér er ég ekki að átta mig á hvað það er sem Eiríkur myndlíkir við drullupoll. Er hann svo ósmekklegur að meina innflytjendur almennt. Eða er drullupollurinn sú stefna gömlu flokkanna að þora ekki að minnast á innflytjendamál af ótta við að fá á sig slettu úr þessum sama polli. Hans vegna og í ljósi sögunnar er það líklegra enda gengu svoleiðis gusurnar yfir Frjálslynda þegar þeir bentu á það sama og Eiríkur er að benda á í þessari grein sinni. Þá var hrópað rasistar rasistar af þokkalega vel gefnu fólki að maður hélt. Frjálslyndum hefur hér bæst nýr stuðningsmaður, úr óvæntri átt, í þessu máli allavega.

Eiríkur, sem titlar sig stjórnmálfræðing undir þessari grein, virðist hins vegar ekki hafa hlustað á málefnalega umræðu frambjóðenda Frjálslyndra, heldur bara upphrópanir andstæðinga þeirra, ef hann heldur að þeir hafi efnt til ófriðar við innflytjendur í aðdraganda þingkosninganna. Innlytjendur verða nefnilega ekki innflytjendur fyrr en þeir eru fluttir til landsins. Þeir sem hyggjast flytja til landsins eða hafa áhuga á því eru ekki orðnir innflytjendur.

Inntakið hjá Frjálslyndum var að hafa stjórn á innflutningi og takmarka hann en ekki að flytja út aftur þá sem þegar voru komnir. Stefna frjálslyndra bitnaði þanng eingögu á þeim sem ekki voru þegar komnir. Svolítið langt seilst að kalla það að efna til ófriðar. Það verður að vera hægt að gera kröfur til fólks sem ber svona fína titla.

Það var þá þegar orðið flestum ljóst að aðstaða og aðbúnðaður margara innflytjanda var ekki viðunandi og brotið á réttindum þeirra á margan hátt. Meðan ekki var hægt að sinna þeim sem þegar voru komnir á sómasamlegan hátt, íslenskukennslu, aðlögun, skólavist og fl. var lausnin ekki að flytja inn enn fleiri. Verkalýðsfélög voru að hlaupa undir bagga og túlka fyrir þeim réttindi þeirra og skyldur. Grunninn að aðgreiningu og einangrun innflytjenda er málleysið.

Man ég það ekki rétt að ungir sjálfstæðismenn fyrir norðan hafi fyrir nokkuð mörgum árum viljað að menn fengju ekki íslenskan ríkisborgararétt nema hafa farið á íslenskunámskeið. Eitthvað var nú hrópað um rasisma af því tilefni ef ég man rétt.

Það er ekki langt síðan rætt var við fyrsta leikskólastjórann sem er af erlendu bergi brotinn. Hún talaði um að innflytjendum væru allir vegir færir í okkar þjóðfélagi ef menn hefðu málið á valdi sínu.

Það er grundvallaratriði að innflytjendur læri íslensku til að þeir geti aðlagast íslenskri þjóð. Þeir verða að aðlagast íslenskum venjum, hefðum og siðum en ekki öfugt. Báðir (allir) aðilar þurfa hinsvegar að hafa þroska til að bera virðingu fyrir venjum og siðum hinna. Ofbeldi er hinsvegar undir engum kringumstæðum hægt að líða þótt einhverjar siðvenjur kalli á það. Þó landið sé stórt miðað við höfðatölu þá eru allir að ég held sammála um það er bara pláss fyrir eina þjóð.

Það fer ekki hjá því að þó þverpólitísk samstaða hljóti að vera um markmiðið þá geta verið ágreiningsatriði um leiðir að því. Það þarf að fá málefnalega umræðu og þar hafa Frjálslyndir haft frumkvæði. Fyrir vikið hafa þeir mátt þola upphrópanir og formælingar frá ótrúlegasta fólki í hinum stjórnmálaflokkunum. Nú þegar ekki eru kosningar í nánd og vandamálin geta orðið enn meira áberandi, ef atvinnuleysi eykst, verða stjórnmálamenn að setjast niður og finna færa leið að markmiðunum án upphrópana og svigurmæla.

 

Faðir drengjanna í fangelsi

Það var nú lán í óláni að það tókst að bjarga drengnum ekki meira slösuðum. Hitt er alverlegra með líkin af drengjunum tveim. 

Vonandi fæst úr því skorið hvort faðirinn hafði eitthvað með dauða drengjanna að gera. Það hlýtur að vera hrylingur að þurfa að sæta því að sitja í fanelsi fyrir glæp sem maður framdi ekki, hvað þá svona alvarlegan og það á eigin sonum.

Ég veit satt best að segja ekki hvort maður á að vona frekar að ríkið hafi ekki framið þann glæp að halda honum saklausum í fangelsi, eða að sá hryllingur hafi ekki átt sér stað að faðirinn hafi haft eitthvða með dauða drengjanna að gera.

Af fréttinni að dæma gæti hér hæglega hafa verið um slys að ræða og drengirnir dottið ofan í brunninn í leik og að tvennu illu vonar maður að það hafi verið raunin.

Björguðu dreng og fundu lík

Hvernig getur svona nokkuð gerst?

Ég hélt nú að þeir sem veldust til foristustarfa þyrftu að vera svolítið klárir í kollinum til að vera kjörnir. Ekki hefur hvarflað að honum að þetta fréttist ekki heim í skólann. Vonandi ekki talið sig vera að bjarga samnemendum sínum frá harðari efnum með því að veita áfengi. Eða er hann kanski að taka á sig, sem formaður, ábyrgð á annara klúðri. Það væri fróðlegt að heyra hans hlið á málinu.

Er það kanski tilfellið að þetta sé normið og það hafi bara verið "bölvuð óheppni" að það fréttist? Það er náttúrulea vitað að áfengisneysla er alltaf að færast neðar og neðar í aldursstigann. Það væri frólegt að heyra frá mentskælingum nútímans um þetta.

Sagði af sér formennsku að beiðni skólameistara

Sjálftaka á fé hluthafa.

Þorsteinn Már fer vel af stað í sínu nýja embætti hjá Glittni. Hann var ekki sestur í stjórnarformannsstólinn þegar hann var þegar búinn að spara bankanum tugi milljóna. Nú bætir hann um betur og kemur í veg fyrir hundruð milljóna útgjöld miðað við óbreytt ástand. Næst tekur hann væntanlega á þessum fáránlegu kaupréttaarsamningum sem sem tröllriðið hafa ofurlaunuðum yfirmönnum í bankakerfinu.

Það er beinlíis móðgun við heilbrigða skynsemi almennra hluthafa að halda því fram að öll hækkun á gengi hlutabréfa sé góðum stjórnendum að þakka en lækkunin sé markaðnum að kenna. Núna er verið að samþykkja starfskjarastefnu í mörgum hlutafélögum sem tryggja stjórnendum kauprétt á hlutafé miðað við gengi sem er því sem næst í sögulegu lágmarki. eftir tvö til þrjú ár þegar þetta kreppuástand er liðið hjá og bréfin komin aftur í eðlilegt gengi þá kom stjórarnir og innleysa kaupréttarsamninga á genginu sem núna er og selja fyrirtækjunum aftur, eða á markaði á miklu hæra verði og þakka sér góðan árangur við reksturinn. Hækkanir eru sko ekki neinu að þakka nema góðri sjórnun. Það er bara markaðnum að kenna þegar bréfin lækka. Hækkanir hafa jú ekkert með markaðsaðstæður að gera, bara góða stjórnun og fyrir það á að borga og borga vel.

Það verður fróðlegt að sjá hvað kemur út úr fyrirhugaðri málssókn á hendur fyrri stjórn Glittnis. Vonandi verður hún til þess að koma sjórnum þessara fyrirtækja afur niður á jörðina.

Þorsteinn Már hefur sýnt það að hann nær árangri þar sem hann tekur til hendinni. Það er nokkuð ljóst að það verða ekki allir ánægðir, á einhverjum bitnar niðurskurðurinn. Vonandi verða það samt mildari afleiðingar en þegar hann tók til í rekstri Samheja og loka þurfti fjölmennustu vinnustöðunum í litlum þorpum fyrir norðan. Vænti þess að þetta verði meira í líkingu við það þegar hann fór suður og stjörnaði björgunaraðgerðum á strandstað hérna um árið og allir stóðu uppi sem sigurvegarar.

Ekki fleiri starfslokasamninga

Allt fyrir frægðina

Sumir gera allt fyrir frægðina. Það er bara margsannað mál. Finnst ekki mikið mál að fórna nokkrum mannslífum til að komast á spjöld sögunnar. Egill söng á sínu tíma um að hann væri til í að gera allt fyrir frægðina nema koma fram nakin. En það var fyrir tíma tölvuleikjanna þegar menn höfðu ekki hugarflug til að fá sér vélbyssu og salla niður skólafélagana.

Er að hallast að þeirri skoðun að of mikill fréttaflutningur af svona atburðum ýti fleirum fram af brúninni. Síðst núna áðan í Gettu betur spurningakeppninni var verið að spurja um svona klikkhausa sem komu sér á spjöld sögunnar með morðum. Reyndar ekki fjöldamorðum en morðum á frægum einstaklingum.

Held að besta forvörnin í þessum málum sé að gera sem minnst úr umfjöllum  um svona mál og alls ekki vera að nefna nöfn þessara mislukkuðu manna opinberlega. Það getur verið stór þáttur í því sem hvetur menn áfram til slíkra voðaverka.

Árásarmaðurinn nafngreindur

Múgæsingur í Ráðhúsinu

Þetta var leiðnda uppákoma og þeim til minnkunnar sem að henni stóðu. Að trufla löglega boðaðan fund og hindra að almenningur gæti fengið að fylgjast með fundinum.

Það er löngu vitað að lýðræði hefur ekki bara kosti en þarna var verið að reyna að hindra lýðræðið með ofbeldi. Eins og mér finnst sjálfgefið að þessum gjörningi sem fram fór á fundinum þurfti að mótmæla, og það kröftuglega þá er það engin afsökun fyrir svona framkomu og er bara lóð á vogarskál þeirra sem vilja loka áheyrendapöllunum.

Þetta ér ámælisverður yfirgangur og minnir á Heimdellinga þegar skattskráin kemur út.

Mér þótti það verulega miður að Dagur, sem vaxið hefur mikið áf störfum sínum og framkomu undanfarna mánuði, skyldi reyna að slá sig til riddara á kostnað þeirra sem bar skylda til að framfylgja þeim lögum og reglum sem gilda í landinu.

Það minnti svo á Davíð þegar hann sló á puttana á Friðriki þegar hann bakkað upp sinn starfsmann sem var að framfylgja lögum sem alþingi hafði sett.

Eiginlega alveg ótrúlegt hvað sumir mætir menn geta lagst lágt til að kaupa sér lýðhylli.

Ólafur hyggst láta verkin tala

Sigmar góður í Kastljósinu

Borgarstjórarnir voru teknir á beinið hjá Sigmair í kastljósinu í gær. Vilhjámur komst nokkuð vel frá þessu miðað við mástaðinn sem hann hafði að verja. Ég held að aldrei áður hafi eiginhasmunapot verið augljósara í pólitík en núna. Alveg er ég sannfærður um að Ólafur hefði ekki verið með í þessu ef ekki hefði verið borgarstjórastóll í boði fyrir hann.

Ég hef nú aldrei verið neitt sérlega hrifinn af Degi þó ég hafi heldur svo sem ekkert út á hann að setja heldur. Hann stóð sig hinsvegar mög vel í þessum þætti og virðist hafa fulla burði til gegna þessu embætti sem hann lætur senn af.

Sigmar brilleraði hinsvegar alveg í þessum viðtölum eða á kanski að kalla þetta yfirheyrslur. Mjög gagnrýninn og ákveðin við báða á þess að vera ókurteis. Dansaði þarna eftir línu sem ég gæti best trúað að væri erfitt án þess að missa sig yfir hana. Minnti einna helst á Vilmund heitinn þegar hann var upp á sitt besta.

Töldu Margréti með