Hvar er rökstuðningurinn

Enn og aftur kall ég eftir rökstuðningi Útlendingastofnunar fyrir þessari aðgerð.

Eina sem hefur komið fram er að þetta er löglegt. Um það hafði ég nú svosem ekki stórar efasemdir. Hitt er líka ljóst að það hefði verði löglegt að veita honum hæli. Það var hinsvegar ekki gert og hlýtur að vera ákvörðun tekin á einhverjum forsendum.

Það er alger forsenda til að geta tekið upplýsta afstöðu að fá að vita málavexti og rök stofnunarinnar fyrir þessari afstöðu.

Ég er ekki að kalla eftir einhverjum "af því bara" rökstuðningi eins og "þetta er venjan", "þetta var gert síðast þegar sótt var um hæli" eða "af hverju ekki"

Það hljóta að vera einhver rök fyrir því að þessum flóttamönnum er vísað úr landi á sama tíma og verið er að sækja aðra til að dvelja hér.

HVAR ERU ÞAU RÖK?

Undirskriftarlisti til stuðnings Ramses

Athugasemdir

[Agla (IP-tala skráð) 4.7.2008 kl. 12:38]

Gæti ekki verið meira sammála..

[Jóhanna (IP-tala skráð) 4.7.2008 kl. 12:48]

Það land sem hleypti honum inn á Schengen svæðið á að fjalla um málið hans, konan hans er líka ólögleg hér og því er ég sammála því að auðvitað á að fjalla um hans mál á Ítalíu fyrst þau komu hingað. Ef hann hins vegar hefði farið til Svíþjóðar þar sem konan hans hefur dvalarleyfi hefði verið eðlilegt að Svíþjóð fjallaði um málið hans, þeirra sjálfra mistök... sorry.

[Alfreð Guðmundsson (IP-tala skráð) 4.7.2008 kl. 14:39]

Jóhanna - það er til hlutur sem heitir mannúð - burtséð frá reglum.

Maðurinn var að eignast barn og ef fólk getur ekki fundið það hjá sér að minnsta kosti að leyfa málinu að fara alla leið í kerfinu þegar þannig er ástatt ætti hreinlega að skoða hvort að það eigi samleið með restinni af fólkinu sem byggir þetta land.

[Landfari, 4.7.2008 kl. 17:37]

Nú er komið í ljós að maðurinn er búinn að fá pólitíkst hæi í Ítalíu. og það fyrir tveim mánuðum. Er hér ekki verið að gera úlfalda úr mýflugu.