Kartín vs Ólína

Þaö má alveg taka undir það með Ólínu að það er ósmekklegt af Katrínu að draga það lengi að segja af eða á um sitt framboð.

Hitt er líka nokuð ljost að það ber vott um oflæti Ólínu að halda að það breyti einhverju um framboð Katrínar hvort hún gefi kost á sér eða ekki. Reyndar má færa rök fyrir því að fari Katrín fram eigi hún meiri líkur á sigri fari Ólína fram líka.

Býður sig fram ef Katrín bætist við í slaginn

Ákvörðunin.

Einhvern vegin finnst manni nokkuð ljóst að Eyjólfur ætlar í framboð. Sama á við um Baldur.

 

Ef til vill eru fylgiskannanir í gangi sem þeir eru að bíða eftir niðurstöðum úr sem gætu orðið til að ekki verði af framboði.

 

Báðir mjög frambærilegir þó Eyjólfur hafi eihvern vegin vinningin af þessum tveim í mínum huga, þekkjandi hvorugan. Kannski bara eitthvað sem tikkaði í rétt box það sem hann nefnir um lýðræðið og málfrelsið. Á móti hefur maður ekkert séð enn frá Baldri þannig að þetta eru ótímabærar pælingar, enda verða fleiri frambærilegir í kjöri. Mér stendur hinsvegar stuggur af fleiri Davos liðum í æðstu embætti landsins. Það er meira en nóg að hafa Katrínu.

Eyjólfur tilkynnir ákvörðun fyrir páska

Fyrir alla að njóta

Það er með ólÄ«kindum hvað margt tiltölulega vel gefið fólk heldur að hægt sé að halda hér uppi velferðarkerfi og jafnframt hafa svotil opin landamæri.

Ekkert af þessu fólki er samt tilbúið að hleypa öllum inn fyrir sín "prsónulegu landamæri" ef svo má orða það og skilja hús sín eftir opin svo aðrir geti notið þess sem þar er að finna. 

það er enginn tilbúinn til að strita  myrkranna á milli til að allir aðrir sem jafn illa eða verr eru settir geti notið þess. Þá er einfaldlega ekkert eftir fyrir viðkomandi. Hinsvegar kostar ekkert að vera örlátur á annara manna fé og sjálfsagt að slá sig til góðmennskuriddara með þeim hætti.

Persónulega hafði ég nú ekki hugmynd um að þessi annars ágæta kona væri í Samfylkingunni en það hljóta að teljast góðar fréttir fyrir flokkinn ef þar er einu fíflinu færra. Það var allavega niðurstaða Flokks fólksins hérna um árið þegar tvem var vísað úr flokknum fyrir fíflalæti þó af ólíkum toga væru.

Yfirgefur Samfylkinguna vegna útlendingahaturs

Hæsraréttardómarar endurgreiða ekki

Það gerðist hér um árið að háttsettir hjá ríkinu fengu fyrir mistök ofgreidd laun sem þeim var gert að endurgreiða.

þetta voru þeir launahæstu ef ég man rétt og áttu ekki í teljandi vandræðum með að verða við kröfu um endurgreislu eins og öllum er gert að gera sem lenda í svona mistökum.

Dómarar voru nú ekki alveg á því og töldu sig vel að þessari launahækkun komnir og höfðuðu mál á hendur ríkinu. Það þarf ekki að spyrja að því að þeir unnu málið enda vor vonbiðlar um dómarasæti fengnir til að dæma í málinu.

Borgarstarfsmenn fengu tvöföld mánaðarlaun

Málsstaður Palestínumanna.

Það skyldi engan undra að stuðningur við málsstað Palestínumanna hafi farið minnkandi að undanförnu eftir þá lítilsviðingu sem þeir hafa sýnt íslendingum og þjóðþinginu undanfarna mánuði.

Það er óhætt að fullyrða að ekkert hafi unnið eins gegn málsstað Palesínumanna hér á landi eins og framkoma þessara mótmælenda á Austurvelli og við Ráðherrabústaðinn. Palestínumenn áttu samúð og skilning nær allra Íslendinga í þeirri fordæmalausu stöðu sem þeir eru í eftir linnulausar árásir Ísraels, mikið til á börn og saklaust fólk. Að nota villimannslega árás Hamas inn fyrir landamæri Ísraels sem afsökun á þjóðarmorði er ekki bjóðandi hugsandi fólki.

En það renna tvær grímur á fólk þegar þakkirnar sem Palestínumenn hafa sýnt fyrir það sem þó hefur verið gert fyir þá er ekkert nema vanvirða, skítkast og að heimta meira.

Keyrt á mótmælanda fyrir utan Ráðherrabústaðinn

Lífeyrissjóðirnir eru eignalausir

Það er augljóst af ummælum Þórdísar Kolbrúnar að hún skilur ekki hver munurinn er á bönkunum og lifeyrissjóðum. Bankarnir eiga eignir umfram skuldir og það er enginn skyldaður til að eiga banka.

Lífeyrissjóðirnir eiga ekki þá fjármuni sem þeir eru að höndla með. Þeir eru eign sjóðsfélaga sem hafa ekkert val um hvort þeir vilja vera með eða ekki. Þeir eru lagalega skyldugir til að greiða í sjóðina. Sjóðunum er skylt að varðveita og ávaxta það fé eftir bestu getu og endurgreiða eigendum eftir fyrirfram samþykktum lögum og reglum.

Á sama hátt, en með ólíkum forsendum þó, eru rekstraraðilar velflestir skyldugir til að innheimta fyrir ríkissjóð t.d. virðisaukaskatt. Þeir hafa ekkert val um það en hafa enga heimild til að ráðstafa því fé nema aftur til ríksissjóðs.

Það væri miklu nær fyrir Þódísi Kolbrúnu, sem yfirumsjónarmanns ríkisfjár að fara fram á það við rekstraðila á Reykjanesi að þeir ráðstafi því vörslufé sem þeir hafa undir höndum til einstakra Grindvíkinga en að ætlast til þess að stjórnir lífeyrissjóða ráðstafi því vörslufé sem þeir hafa undir höndum á sama hátt.

Það vörslufé sem rekstraraðilar hafa undir höndum er eign ríkissjóðs en það vörslufé sem lífeyrirsjóirnir hafa er eign einstaklinga sem vel flestir eru ekki aflögufærir. Það á nú alveg sérstaklega við varðandi Grindavík því stærstur hluti húsnæðislánanna þar er hjá lífeyrissjóðum tekjulægsta fólksins á landinu. Það væri stórmannlegra af Þórdísi að berjast fyrir að þessar greiðslur sem hún ætlar almennum ellilífeyrisþegum að bera yrðu frekat teknar sem skeðing á eftirlaunum alþingismanna og ráðherra. Þar er frekar borð fyrir báru.

Efast um getu lífeyrissjóða á íbúðalánamarkaði

Ótrúleg nákvæmni í verðmati.

Það er með olíkindum að 95% af brunabótamati sé akkúrat það sama og kaupverð íbúðarinnar hjá þessu unga fólki. Það hlýtur samt að vera ef mismunur þess sem þau hafa lagt út fyrir íbúðina ásamt endurbótum og bótanna er þessi milljón sem þau hafa lagt í endurbæturnar. Þá er eins og fram kemur ekki verið að meta mikla eigin vinnu til fjár sem væri örugglega talsverð upphæð ef hún hefði verið aðkeypt.

„Hvar á maður að kaupa?“

Frjálslega farið með.

Þó Trump sé ólíkindatól þá finnst mér gæta ónákvæmni þegar ummæli hans eru útfærð sem hann hvetji rússa til árása á nató þjóðir. 

Í fyrsta lagi þá er hann eingöngu að tala um þær þjóðir sem ætla öðrum að greiða fyrir varnir sínar. Svo er hitt að hann segir að ef rússar, eða aðrir, ráðast á þjóðir sem ekki hafa tekið þátt í sameiginlegum kostnaði þá sé honum slétt sama hvað þeir geri. Ameríku komi það ekki við.

 

Við þekkjum þetta öll vel hér t.d. hjá tryggingarfélögunum. Maður búinn að vera með innbústryggingu áratugum saman hjá sínu tryggingafélagi en greiðir af óskilgreindum ástæðum ekki iðgjaldið eitt árið þá er viðkomandi félagi slétt sama hvað innbrotsþjófur gerir ef hann brýst inn það árið. Félagið kemur þér ekki til hjálpar en það er ekki þar með sagt að tryggigafélagið sé að hvetja til innbrota hjá þér.

Stoltenberg bregst við ummælum Trumps um NATO

Rökréttara að nota fasteignamat

Þar sem ekki stendur til að greiða styrki eða bætur til eigenda vegna endurbygginar eða viðgeða á þessum húsum heldur hreinlega kaupa þær er rökréttara að miða við fasteignamat.

Fasteignamatið á að endurspegla virði húsnæðis á markaði hverju sinni sem ætti að vera nær þeirri upphæð sem viðkomandi greiddi fyrir eignina við kaup.

Brunabótamatið á að endurspegla kostnað við byggingu sambærilegs húss og tekur ekki tillit til gæða vegna staðsetningar eða andvirði lóðar.

Það væri upplýsandi að fá að heyra rökin fyrir þeirri ákvörðun að notast við brunabótamatið en ekki fasteignamatið.

Grindvíkingar gera athugasemdir

Virðingarleysi.

 Miðað við nýjustu fréttir ætti að banna blðamönnum RÚV öðrum fremur alla að komu að Grindavík.

Það er vægast sagt ósemkklegt að gera sér fréttamat með myndum og viðtölum við fólk sem er í kapphlaupi við tímann að bjarga eigum sínum. Get ekki ímyndað mér að það sé að þeirra ósk að rekinn sé hljóðnemi í andlitið á því og það beðið svara um hvernig því líði þegar það er með búslóðina í opnum kerrum og birta fyrir alþjóð. Þessar upplýsingar er hægt að fá miklu betri í viðtölum í betra tómi annars staðar. En það er sennilega ekki eins spennandi efni því mörg okkar þrífumst á óförum annara.

Blaðamannafélagið stefnir ríkinu