Ekki gott fordæmi

Það er með ólíkindum ef þetta verður endanleg niðurstaða. Maður þekkir náttúrulega ekki alla málavexti en það var augljós ásetnigur að ráðast á mennina. Maður veit náttúrulegaekki hvar í ferlinu lögreglumerkin voru sýnd en það breytir ekki því að þetta var árás.

Ég er nú ekki að mæla því bót að menn hrindi sýlumönnum en hvað fékk hann langan dóm sá sem felldi sýsla á Selfossi. Miðað við frétir var það nú fremur hrekkjabragð en árás.

Hvernig í veröldinni eiga lögreglumenn að geta sinnt störfum sínum í þágu okkar borgaranna ef þetta er virðingin sem dómarar sýna þeim.

Ef dómarinn er þarna að fara að lögum sem maður verur að trúa þá þarf að breyta þeim. Hvað skyldi Vinnueftirlitið segja um starföryggi á vinnustað lögreglu. Hér vantar greinilega einhvern öryggisbúnað.

Einn dæmdur og tveir sýknaðir af ákæru fyrir árás á lögreglu

Athugasemdir

[Helga R. Einarsdóttir, 12.3.2008 kl. 18:25]

"Sýknaðir af því þeir gerðu sér ekki grein fyrir því að þeir væru að ganga í skrokk á löggum"? Er þá allt í lagi að berja venjulegar manneskjur?

Það er eitthvað mikið að hér á bæ! 

[Magnús (IP-tala skráð) 12.3.2008 kl. 19:27]

Bíddu við, hvað um þetta hérna, " . . . dómnum segir, að svo virðist sem einn erlendu mannanna og konan, sem var með þeim í öðrum bílnum, hafi túlkað aðgerðir lögreglumannanna sem árás á hina konuna og farið út úr bílnum í þeim tilgangi að hjálpa henni." og líka "Mennirnir báru að þeir hefðu ekki gert sér grein fyrir að það voru lögreglumenn sem þeir réðust á. Segir dómurinn, verulegur vafi leiki á því hvort manninum, sem fundinn var sekur, hafi mátt vera ljóst að um var að ræða lögreglumenn þegar hann sló þá.".

Er möguleiki á að " . . . það voru lögreglumenn sem þeir réðust á . . ." feli í sér að þeir vissu ekki að þarna væri lögregla við störf heldur mögulega tveir gaurar sem ætluðu sér gott til glóðarinnar með konunni hvort sem hún vildi það eður ei? Mynduð þið standa hjá ef þið sæjuð ofbeldi  í fullum gangi út á götu? 

 Þessi frétt eins og svo margar á mbl.is er illa unninn og klaufalega orðuð.