Erfitt að vera ósammála Gnarrinum í þessu.

Það er óhætt að taka undir með Jóni Gnarr að þetta framboð Katrínar er vægast sagt óheppiegt og furðulegt. Engu líkara en hún taki sér hér Pútín til fyrirmynar. Ef ég man rétt þá fór hann beint úr forsætisráðherraembættinu í forsetann hérna um árið. Man ekki eftir öðrum þó þeir kunni að vera til.

Að hún fari hér á milli með sína aðstoðrmenn á fullum launum frá ríkinu í samkeppni við aðra sem stendur ekki slík ríkisaðstoð til boða er óbein aðför að lýðræðinu frá ákveðnu sjónarhorni.

Annars þarf að taka alveg fyrir það að menn sem hafa ráðið sig sjálfviljugir til 4ra ára vinnu geti stokkið frá borði fyrirvaralaust að eigin ósk og hirt 6 mánaða biðlaun. Þessi biðlaun voru hugsuð fyrir þingmenn sem féllu út af þingi í kosningum og misstu þannig vinnuna fyrirvaralaust. Þá hefðu þeir þokkalegan tíma til að finna sér nýtt starf.

Það var kostulegt þegar Sverrir heitinn Hermannsson gerði kröfu í eftirlaunin þegar hann fór í Landsbankann á sínum tíma. Hann hafði haldið því fram í þingræðu að engin þörf væri á að taka fram að launin féllu niður færu beint í aðra vinnu. Það dytti engum í hug að fara framá að vera á tvöfölum launum. Varð svo fyrstur til að gera kröfu um það. Þessu var svo breytt þannig að fari menn í launaða vinnu hjá ríkinu fái menn bara borgaðan mismuninn sé nýja vinnan lægra launuð. Það er hinsvegar nauðsynlegt að fella þessi ríflegu eftirlaun niður hætti menn að eigin ósk enda þarf ríkið að standa undir kostnaði við nýjan mann í starfi auk eftirlauna fyrir hann falli viðkomandi í næstu kosningum.

 

Jón Gnarr: Framboð Katrínar „steikt og absúrd“

Athugasemdir

[Helga Kristjánsdóttir, 16.4.2024 kl. 23:51]

 Eg hef það eftir ÚTV.Sögu,að hún hafi frábeðið sér biðlaunum fram að Forseta kosnngum muni ég rétt.Alla vega voru takmörk á þeim.

[Landfari, 18.4.2024 kl. 19:48]

Eftir að þetta komst í fjlmiðlana þá var þetta plástrað. En held nú samt að hún hafi bara frestað greiðslunum en ekki afsalað sér neinu. En að aðstoðarkonur hennar fá líka á biðlaun.