Landlægt dýraníð við laxveiðar

Það er  með ólíkindum að veiðimenn skuli vera stoltir af þeim níðinsskap sem allt of algengur er hjá laxveiðimönnum að nýta ekki bráð sína til matar.

Nú er það ljóst að það getur verið hin besta skemmtun að stunda veiði en það verður að gera þá lagmarks kröfu til allra veiðmanna að bera virðingu fyrir bráð sinni og séu ekki að kvelja hana að óþörfu. Að veiða lax til þess eins að sleppa honum er það sóðalegasta við sportveiðar sem menn stunda. Að hreykja sér af því að hafa kvalið bráð sína í lengri tíma og vilja svo ekkert hafa með hana að gera þegar bardaganum er lokið ber ekki vott um gott siðferði.

Það er ójafn leikur og ekki með samþykki beggja þegar laxveiðimenn stunda veiðar bara sér til skemmtunar. Þó að margir laxar lifi þennan leik af þá eru þeir særðir og langt frá því að þeir lifi allir. Þeir sem það gera ekki geta átt langt dauðastríð framundan eftir sleppingu. 

Það verður að gera þá almennu siðferðiskröfu til allra veiðimanna að þeir beri lágmarks virðingu fyrir bráð sinni og séu ekki að særa hana sér til skemmtunar eingöngu, án þess að nýta hana.

 

 

Sífellt hærra hlutfalli af laxi er sleppt